এই পৃষ্ঠাটোৰ বৈধকৰণ হৈছে
৮৪
নিবেদন।
প্ৰকৃত সখিৰ সংখ্যা নিচেই তাকৰ
ক‘ৰবাত এজন মাথোন,
পালে হ‘লে কেতিয়াবা যথাৰ্থ এজন
তেনেকুৱা হ‘ব আৰু কোন?
⸻
বাটৰুৱা।
কিয় তুমি চাই আছা মোৰ পিনলই
যাওঁ মই পথিক পথৰ,
নেজানা কোন নো মই, কোন পিনে যাওঁ
কি বিচাৰি যাওঁ জীৱনৰ।
নঙ্গলাত ধৰি আছা একে থিৰে চাই,
কাঢ়িছা দীঘল হুমুনিয়া,
পাহৰিছা সংসাৰৰ সকলো বান্ধনি,
ৰই আছা অকলশৰীয়া।
দেখিছোঁ তোমাক মই কোমল ভাবৰ,
উপজিলা গাঁৱৰ মাজত,
নাই একো বেয়া ভাব তোমাৰ মনত,
সৰলতা সানিছা মুখত।
