এই পৃষ্ঠাটোৰ বৈধকৰণ হৈছে
৭৮
নিবেদন ৷
কৃষ্ণলৈ।
প্ৰত্যেক গোপালে যদি সঁচা কথা কয়,
তুমিও লগৰে গৰখীয়া,
তেনেহ'লে পাৰোঁ হ’ব তুমি কোৱা দৰে
তোমাৰ লগৰ লগৰীয়া।
জাৰ কালি চেঁচা হয় পৰ্ব্বতৰ শিল,
ধাননিত গৰু নচৰায়,
ধাৰ ছিগে জৰণাৰ খৰালি পৰিলে,
গুচি যায় কুলিও নোলায়।
জঁয় পৰি গ'লে ফুল পাহ পাহ হয়
গোন্ধ উৰি কেনিবাদি যায়,
আলফুল মালতীও শুকায় লাজতে,
গছতেই গোলাপো লুকায়!
বাঁহীয়ে নোধোৱে কাৰো কলীয়া অন্তৰ,
নাই দেখা নচা গৰখীয়া,
তেও বুলি তুমি যদি ভালপোৱা মোক
তোমাৰেই হ’ম লগৰীয়া ·
———
