এই পৃষ্ঠাটোৰ বৈধকৰণ হৈছে
৬১
কালিকা।
কালিকা।
কিছুমান কথা আছে মানি ল’ব লাগে
কিয় বুলি সুধিব নোৱাৰি,
বুজি লওঁ বহু কথা লৰা বয়সত
মিছা-মিছি কাৰণ বিচাৰি;
মনত দৈৱিক কথা সোনকালে ৰয়
নোম উঠে ভয়ত শিয়ৰি।
সেই জুপি বড় গছ দুপৰীয়া হ’লে
অকলৈ নোযাবা কাষৰে,
আছে তাত কিবা এটি, ধৰিব তোমাক
লগ পালে কেতিয়াও নেৰে;
সেইটি পুখুৰী তাত কালিকা লাগিছে,
যাকে পাব তাকে তাত ধৰে।
কোনোৱে দেখিছোঁ বুলি মিছা ক’য়ে কয়
ছঁয়া-ময়া জানৰ কাষত,
বহুতেও সাখী কয় জঁটীয়া মানুহ
দেখা পোৱা বেলৰ গছত;
যিখনি ধুনীয়া ঠাই সেই পিনলই
যাব তুমি নোৱাৰ ভয়ত।
