এই পৃষ্ঠাটোৰ বৈধকৰণ হৈছে
৫৩
মানুহৰ গুণ।
মানুহৰ গুণ।
বহুত ভাবুকে বহুত ভাবিছে
বহু ৰূপে ভাজি পাতি,
জন্তুৰ লগত কিহৰ কাৰণে
অমিল মানুহ জাতি।
আহাৰ টোপনি আছে সকলোৰে,
অধিক মাথোন জ্ঞান;
জ্ঞানৰ কাৰণে জন্তুৰ মাজত
মানুহৰ এনে মান।
জন্তুৰ মাজত মানুহে মাথোন
কথা ভাবি চাব পাৰে;
বিবেচনা শক্তি মানুহৰ মাথোঁ।
নাই কিন্তু সকলোৰে।
মুখৰ হাঁহিৰে মনৰ আনন্দ
মানুহে বুজনি দিয়ে;
মানুহৰ গাত নানা বিশেষণ
আঁৰিছে নানা মুনিয়ে।
ভাবি চালে হ’লে মানুহ জাতিত
আৰু এটি গুণ পায়,—
পাপ কৰা শক্তি আছে মানুহৰ
ইতৰ জন্তুৰ নাই।
⸻
