এই পৃষ্ঠাটোৰ বৈধকৰণ হৈছে
৬
নিবেদন।
ৰাখিবাঁ মনত।
ৰাখিবাঁ মনত মোক যদিও আঁতৰি যাওঁ,—
সিপুৰিত গৈ মই নতুন জগত পাওঁ;
নোৱাৰা শৰীৰ মোৰ তোমাৰ হাতেৰে ছুব,
যাওঁ বুলি ঘূৰি আহি নোৱাৰোঁহি দেখা দিব
ৰাখিবাঁ মনত মোক যদিও নোৱাৰা ক’ব—
কেতিয়ানো দুয়োটিৰ পুনু দেখা দেখি হ’ব;
খন্তেক পাহৰি যদি আকউ মনত পৰে
নিদিবাঁ ডুবিব মন কেতিয়াও বেজাৰেৰে।
মোৰ দোষ বেয়া গুণ মনত পৰিলে আহি
মোৰ কথা মনলৈ সোমাবও নিদিবাহি;
নধৰিবাঁ দোষ মোৰ সকলো পাহৰি যাবাঁ,
বেজাৰ নকৰি আৰু আনন্দত মন দিবাঁ।
⸻
