এই পৃষ্ঠাটোৰ বৈধকৰণ হৈছে
﴾ ২৮ ﴿
অই ৰে! আইদেওৰ কপালতে
জ্বলি আছে ৰাহু।
অই ৰে! ৰাম যেন স্বামী পালা।
কৌশল্যা হেন শাহু।
অই ৰে! বতাহতে হলে জালে।
আগৰ ৰঙ্গা পান।
অই ৰে! পাতিত বহি আইদেৱে।
মাগে স্বামী দান।
চৰাইৰ নাম সৰালী
মাছৰ নাম বৰালি
সাপৰ নাম পানী মৰলি হে।
দেউতাৰ ছৰাতে
আইদেও বহিয়াছে
ওপৰে সোনৰ মাৰলি হে।
তুলিতে বহিছে
চুলি মেলিছে
শৰাই লৈ মেলিছে চুলি হে।
দহো আঙুলিয়ে
ৰত্ন জ্বলিছে
নেপুৰে ধৰিছে তুলি হে।
উৰে কুমলীয়া
খাবকে নোৱাৰি
কটাৰিৰ আগৰে লোণ হে॥
