এই পৃষ্ঠাটোৰ বৈধকৰণ হৈছে
৬৩
নল-দময়ন্তী।
কপালৰ যিবা আঁক, কোনে খণ্ডিবেক তাক;
অনুমতি দিলো আসা বনে॥
পুষ্কৰৰ আজ্ঞা পাই, ভিক্ষা কেহোঁ নাহি দেয়;
তোক পীয়াসতে দগ্ধ কায়া।
কিনো বিধতাৰ ৰাজী, পৃথিবীৰ ৰাজা আজি;
ভিক্ষা বিনে মৰে শুকাইয়া॥
যিবা ভাগ্য পুৰুষৰ, আৰু চৰিত্ৰ তিৰীৰ;
বুঝিবাক নপাৰে দেৱতা।
বিধি ভৈলা বাম যাৰ, মহা কষ্ট হোৱে তাৰ;
ঈশ্বৰৰ বিনে নাহি ত্ৰাতা॥
অনিত্য সংসাৰ ৰস, নহবা তাহাত বশ,
দেহা আজি আছে কালি নাই।
দ্বিজ পূৰ্ণকান্তে কয়, হৃদি চিন্তি দয়াময়;
ৰাম নাম বিনে গতি নাই॥
⸻:0:⸻
নলৰ বনলৈ গমন।
পদ। ভাৰ্য্য়াক সঙ্গত লই নল মহামতি।
লাজে অভিমানে দুঃখে বনে কৈলা গতি॥
পৃথিবীত একছত্ৰী ৰাজা যেই ছিলা।
দৈবৰ নিৰ্ব্বদ্ধে তাৰ ভিক্ষা নিমিলিলা॥
