কন্যা সঙ্গে সম্বন্ধি যতেকজন যাবে।
তুষিবে সবাকো খান দান নানা ভাবে॥
শুনিওক সভাসদ ৰহস্য কথন।
চিত্ৰসেন নাৰদব সংবাদ শোভন॥
ইহাক জানিলে হৱে সদাছাৰ জ্ঞান।
সদাছাৰি ভৈলে পাইবে স্বৰ্গ শুখ স্থান॥
বিশেষতঃ নন্দীসংহিতাৰ ইটো কথা।
সংহিতা শ্ৰবণে সিদ্ধি সাধয় সৰ্ব্বথা॥
পদ বুলি হেলা কৰিবাক নাহি লগে।
হানি বৃদ্ধি নাই ভাঙ্গিলোহো অনুৰাগে॥
এহি সম্বাদক নন্দী কহিছে কাৰ্ত্তিকে।
শুভ ফল হবে আক শুনিলে আস্তিকে॥
পুনঃ মুনি নিগদতি, শুনা গন্ধৰ্ব্বৰ পতি
আছে আৰু শেষ কিছু অঙ্গ।
কহো তাক তোৰ আগে, বুজি ল’বা অনুৰাগে,
যাতো তুমি পাইলা মোৰ সঙ্গ॥
বিবাহ দিনৰ ৰাতি, যিতো দীব্য সজ্যা পাতি,
বৰ কন্যা সোৱে প্ৰথমত।
নলাৰিবে কেহো তাক, কহিলো নিচ্ছিত বাক,
তিনি দিন নহৱে যাবত॥
