এই পৃষ্ঠাটোৰ বৈধকৰণ হৈছে
১৯০
[৪ৰ্থ অঙ্ক
নগা কোঁৱৰ
চতুৰ্থ দৃশ্য
[পাঠান শিবিৰৰ ভিতৰৰ সুসজ্জিত ৰঙ্গমণ্ডপ]
[ তুৰ্ব্বক, হুছেন খাঁ, কাছিতাৰা, লেহিতিয়া তাজু খাঁ, গিয়াছবেগ, নছৎ খাঁ ইত্যাদি বহি থাকে ]
নৰ্ত্তকীবিলাকৰ গীত
আমি সুৰেৰে বিলাওঁ অমিয়া!
ৰূপেৰে বিলাওঁ ৰূপৰে মোহনি,
ভাগৰত জুৰণি দিয়া ঐ চেনেহী
ভাগৰত জুৰণি দিয়া।
চকুৰে বিলাওঁ মোহৰে মদিৰা—
হাঁহিৰে বিলাওঁ হিয়া ঐ চেনেহী
হাঁহিৰে বিলাওঁ হিয়া।
বুকুৰে বিলাওঁ বুকুৰে কথাটি,
কেতিয়া আহিব পিয়া ঐ চেনেহী
কেতিয়া আহিব পিয়া।
নছৰৎ—[ ৰুমালেৰে নৰ্তকীবোৰক ‘বিছি বিছি ] আহাহা!
একেবাৰে ঘামি জামি দম বন্ধ হোৱা যেন হৈ গৈছে! আহাহা
কি কষ্ট পাইছে! মই বিছি দিওঁ। মই বিছি দিওঁ! আহাহা!
কি খুবচুৰৎ তোমালোকৰ আওয়াজ! কি খুবচুৰৎ চেহাৰা!
ক খুবচুৰৎ তোমালোকৰ নাচ!
তাজু—খাঁ চাহাব দেখিছোঁ একেবাৰে—গলি গ'ল।
নছৰৎ—গলি নেষাবা! তোমাৰ দিলত আচল চিজেই
