এই পৃষ্ঠাটোৰ বৈধকৰণ হৈছে
৩৯
নক্সা।
৭
মই অভাগীৰো ভাগ্যত আজি
ঘটিল ঘটনা ই-বিপাকত।
অবোধাৱস্থাতে হেরুৱালো মোৰ
স্বামী মহাধন অসময়ত।
৮
বয়সৰ লগে জ্ঞান-বুদ্ধি পাই
হল এই মোৰ পৰিচয়,
মই অভাগিণী আজি অনাথিণী
মোলৈ সংসাৰ আঁধাৰময়!
৯
ভৰ ফুলনিৰ নিজান কোণত
যদি বা ফুলিলো ফুলৰ থুপীত
সৌন্দৰ্য সুবাস গল এনে মোৰ
ভুঞ্জিলো যাতনা অপৰিমিত।
১০
সমাজ-নিয়ম কেনে পৰিপাটি।
পুৰুষ যদ্যপি বৰলা হয়
নতুন সংসাৰ লব পাৰে গঢ়ি
আমি মাথো দূষী সকলে কয়।
