এই পৃষ্ঠাটোৰ বৈধকৰণ হৈছে
৬
নক্সা
নিজৰ মতলব সিদ্ধিৰ অৰ্থে
বহুৰূপীৰ ভেশটি লৈ
দুৱাৰে দুৱাৰে ফুৰিব ঘুৰি
কাবৌ মিনতি ‘চেলাম’ কৈ।
ছেগ্ পালেই দাঁত ফুটাব
মূৰ্ত্তি ধৰি অজগৰৰ,
নিজৰ নাকটিও কাটি সময়ত
ভাঙিব যাত্ৰা অইন জনৰ।
লবা চিনি ভাই ইহেন জনক
দূৰতে ভাৱ-গতিক চাই
নহলে ফাঁদত পৰিলে ইয়াৰ
কলোঁ ঠাৱৰ ৰক্ষা নাই!
কলিকতা।
২৮।১২।২২ ইং
কলিকাতাৰ টোকা।
( ১ )
অবাক্ আজি ফুৰি দেখি
কলিৰ চহৰ কলিকতা!
নতুন কোনোবা আহিলে পোনতে
লাগে ইয়াত তাৰ কন্দাকটা।
