এই পৃষ্ঠাটোৰ বৈধকৰণ হৈছে
৪৪
দেৱজিত।
আমাৰ বিক্ৰম দেখিছা বাসৱ
নাহিকে আমাৰ ভয়।
কৃষ্ণ অৰ্জ্জুনক সমৰে মাৰিবো
তুমি থাকা ৰঙ্গ চাই॥
দেৱতাৰ গৰ্ব্ব বচন শুনিয়া
মাতলিয়ো জ্বলি গৈলা।
দেৱতা সবক খঙ্গমনে চাই
বচন বুলিবে লৈলা॥১৯৭
এনয় দেৱতা মহা বলৱন্ত
স্বৰ্গত আছাহা বৰ।
মহাভয়ে তেবে স্বৰ্গপুৰ এৰি
কিসক পলায় পুৰন্দৰ॥
কালকুঞ্জ দৈত্য বাৰে বাৰে আসি
অম্ৰাৱতী কৰে চন্ন।
হেন কালকুঞ্জ নমাৰিয়া দেৱে
পলাইলাহা কি কাৰণ॥১৯৮
তেবে ইন্দ্ৰে মোক আদেশ কৰিলা
অৰ্জ্জুনক আনা গই।
ইন্দ্ৰৰ বচনে অৰ্জ্জুনক আনি
স্বৰ্গৰ ভুবনে মই॥
ইন্দ্ৰে যে বোলন্ত শুনিয়ো অৰ্জ্জুন
দৈত্যক বধিয়ো যায়।
