এই পৃষ্ঠাটোৰ বৈধকৰণ হৈছে
১৭৯
দেৱজিত।
অৰ্জ্জুনে হানিল দুই হাজাৰ যে শৰ।
শঙ্কৰৰ শৰ সবে কৰিলা সংহাৰ॥৮৮৯
যেন যুদ্ধ ভৈলা পূৰ্ব্বে বলি বাসৱৰ।
সেহি মতে যুদ্ধ ভৈলা হৰ অৰ্জ্জুনৰ॥
যুদ্ধ দেখি চৰাচৰ চমক লাগিলা।
দুই অস্ত্ৰে ঘোৰ যুদ্ধ কৰিবাক লৈলা॥৮৯০
হেন দেখি মহেশৰ ক্ৰোধ জ্বলি গৈলা।
প্ৰলয়ৰ বহ্নি সম শৰ প্ৰহাৰিলা॥
আথ বেথ কৰি হৰে মাৰি শৰ পাত।
জাজ্বল্য সমানে চলে মাৰুতৰ বাট॥৮৯১
অৰ্জ্জুনেও সেই বেগে হানে দশ বাণ।
বিম্বাদ শবদে চলে অগ্নি সম ঠান॥
অৰ্জ্জুনৰ শৰে শঙ্কৰৰ শৰ পাই।
আকাশতে হৰ-শৰ কৰিলন্ত ক্ষয়॥৮৯২
অস্ত্ৰ চন্ন ভৈলা দেখি ক্ৰোধিলন্ত হৰ।
সহস্ৰ হাজাৰ প্ৰহাৰিলা ব্ৰহ্মশৰ॥
আকাশ ঢাকিয়া যায় জ্বলি ঘোৰ বহ্নি।
শুষিলন্ত জলে যেন প্ৰলয় অগনি॥৮৯৩
হেন দেখি অৰ্জ্জুনৰ ক্ৰোধ ভৈল টান।
লক্ষ কোটি ব্ৰহ্ম বাণ কৰিলা সন্ধান॥
জাজ্বল্য সমানে চলে অৰ্জুনৰ বাণ।
হৰ-শৰ আকাশতে কৰিলা নিৰ্য্যান॥৮৯৪
