এই পৃষ্ঠাটোৰ বৈধকৰণ হৈছে
১১৬
দেৱজিত
একাদশ, ইন্দ্ৰ নতু হোৱন্ত বিফল।
যাৰ নকৰয় ব্যাধি শৰীৰ দুৰ্ব্বল॥
তেবে কৃষ্ণ কথা কৰা শ্ৰৱণ কীৰ্ত্তন।
মুকুতি সুখক প্ৰতি যাৰ আছে মন॥ ৫৭৪
মহা পুণ্য পদ ৰচিলোহোঁ দেৱজিত।
আক শুনি তৰা সবে দুৰ্ঘোৰ কলিত॥
দেৱজিত পদক শুনিয়ো সৰ্বজন।
দেৱজিত শুনি কৰা বৈকুণ্ঠে গমন॥ ৫৭৫
যি সব কথাত আৰু আছে গুণ নাম।
সি সব কথাক ভজা নকৰি বিশ্ৰাম॥
অষ্টাদশ পুৰাণৰ কথা অনুসাৰ।
কৰিলোহোঁ মই দেৱজিতক প্ৰচাৰ॥ ৫৭৬
হেন দেৱজিত পদ শুনা নৰ নাৰী।
তেবেসে সংসাৰ দুখ তৰিবাক পাৰি॥
দেৱজিত পদ শুনা এৰি আন কাম।
খণ্ডোক পাতেক ডাকি বোল ৰাম ৰাম॥ ৫৭৭
দুলৰি॥
সিংহাসনে বসি পাচে ইন্দ্ৰ দেৱ
বোলে দেৱতাক চাই।
বৃত বিৰোচন বজ্ৰ মাৰি মই
পঠাইলোঁ যম নিলয়॥
