এই পৃষ্ঠাটোৰ বৈধকৰণ হৈছে
২৬
দীপ্তি ।
ভাবা যদি তুমি সকলো অশুচি
তুমিয়ে মাথোন শুদ্ধ, বুদ্ধ,
হ'ব তেনেহলে তোমাৰ শিক্ষাত
নিশ্চয় শিষ্যৰ উন্নতি ৰুদ্ধ।
এতেকতে তুমি অজ্ঞান- আন্ধাৰ
গুচাই জ্ঞানৰ আলোক লোৱাঁ;
তাৰ পোহৰত অন্ধক চলাই
প্ৰকৃত পথৰ সম্ভেদ কোৱাঁ।
হিংসা-মোহ-দ্বেষ সকলো পাহৰি
ভোগৰ বাসনা দূৰত থৈ,
ত্যাগৰ জ্বলন্ত আদৰ্শ বিলাই
যোৱাঁ সকলোকে লগত লৈ।
এৰি দিয়াঁ মিছা পদ-গৌৰৱৰ,
লাহ-বিলাহৰ বিষম ভ্ৰান্তি;
তেতিয়া হে তুমি গুৰু-আসনৰ
হ'বা উপযুক্ত, লভিবা শান্তি।
যদি হে নোৱাৰা দূৰ হোৱাঁ তুমি
আনৰ দৃষ্টিকো নকৰা ক্ষীণ,
অন্ধ-আচাৰৰ বন্ধনত ৰাখি,
নকৰিবা কাকো বিচাৰ-হীন।
তেতিয়া হলেও বিবেকৰ গতি
নোৱাৰে একোৱে কৰিব ৰোধ;
