এই পৃষ্ঠাটোৰ বৈধকৰণ হৈছে
১৬
দীপ্তি ।
পশুত্বৰ বন্ধন শিকলী। বুৰঞ্জীত
আছে শত শত জ্বলন্ত দৃষ্টান্ত তাৰ।—
জ্ঞানৰ প্ৰচাৰ কৰি আন্ধাৰ যুগত,
বিলালে যি মহাত্মাই সত্যৰ আলোক,
সেই মহাজন চক্ৰেটিচে পৰি তোৰ
কোপ-অনলত, কলঙ্কৰ বোজা লই
এৰিলে জীৱন।
সেই খৃষ্ট যাৰ নামে
বিতৰে মঙ্গল, সেই মহাত্মাৰো তোৰ
নিঃস্বাৰ্থ পবিত্ৰ কাৰ্য্য নসহিল প্ৰাণে,
ভাবিলি ঘটিব তোৰ স্বাৰ্থৰ বিকাৰ।
কৰি ঘোৰ ষড়যন্ত্ৰ দিলি অপবাদ,
ফল তাৰ প্ৰাণদণ্ড! কি ৰোমহৰ্ষণ!
ৰক্ষা যাৰ কৰুণাত অসমৰ ধৰ্ম্ম,
কৰ্ম্ম, জাতীয় জীৱন, ৰটিলি কলঙ্ক
সেই শঙ্কৰৰ নামে, ভুঞ্জালি লাঞ্ছনা
কত, দিয়া দেখি সাম্যবাদে ধৰমৰ
স্বাধীনতা বৰ্ণ-নিৰ্ব্বিশেষে। কত মিছা
অপবাদ দিলি অকাৰণে, এতিয়াও
চিন তাৰ যোৱা নাই মাৰ। নীচ স্বাৰ্থ,
অবিচাৰ, কত তোৰ কৰিম বৰ্ণন!
নৰকতো নাই স্থান তোৰ!
