এই পৃষ্ঠাটোৰ বৈধকৰণ হৈছে
( ৫০ )
কোন কোন ৰাজা বসুধা পালিব
কাৰ পৰমায়ু কত।
লোকৰ সম্বৃদ্ধি কতেক হৈবেক
দুৰ্ঘোৰ কলি কালত॥ ৫০২
কোন ৰূপে হৰি কাহাতে ৰহিব
কোন দেশে অৱতাৰ।
কলিৰ কালত কোন পুণ্যে গতি
কহিয়ো তাৰ বিচাৰ॥ ৫০৩
তুমি নিজ স্বামী তোমাত পোছোহো
তুমিহে আমাৰ গুৰু।
তিনিয়ো কালৰ তিনি কৰ্ম্ম কৈলা
তুমি ব্ৰহ্ম কল্পতৰু॥ ৫০৪
প্ৰিয়াৰ বচনে জগত ঈশাণে
প্ৰেমত মজিয়া ৰৈলা।
হৰিক মনত স্মৰিয়া দেবীত
পুনু কহিবাক লৈলা॥ ৫০৫
পদ
ভগবান বদতি শুনিয়ো দিগম্বৰি।
আদি জামলৰ কহোঁ সাৰক উদ্ধাৰি॥ ৫০৬
যাহাক জানিলে ৰাজা সবে বুজে কাজ।
হোৱে শ্ৰী আয়ু বহুদিন ভুঞ্জে ৰাজ॥ ৫০৭
বসুধা পালিব হৈব আতি খ্যাতিমন্ত।
মহন্ত হৈবন্ত অন্তে মুকুতি পাইবন্ত॥ ৫০৮
