এই পৃষ্ঠাটোৰ বৈধকৰণ হৈছে
( ২৯ )
নৰেন্দ্ৰ কলা
দুলৰি
শঙ্কৰ বদতি শুনিয়ো পাৰ্ব্বতী
নৰেন্দ্ৰ কলাৰ কথা।
তোমাৰ আগত কহিবো সমস্ত
নুহিকে জানা অন্যথা॥ ২৭৭
যি সবক জানা নৰেন্দ্ৰ বোলয়
আৰু মহা ৰাজা নাম।
ইসবক সবে নৰেশ্বৰ বোলে
শুনা তাসম্বাৰ নাম॥ ২৭৮
চতুৰঙ্গ দলে আবৰি থাকয়
ছত্ৰ চামৰক ধৰি।
মহা মহা বীৰ শত সহস্ৰেক
যাক থাকে মান্য কৰি॥ ২৭৯
হেনয় নৃপতি লক্ষকে খাটয়
মহাসালঙ্কৃত হুই।
আজ্ঞাক আকলি পদ সেৱা কৰি
কিৰিটীৰ আগ্ৰেছুই॥ ২৮০
তাহাকে জানাহা নৰেশ্বৰ বোলে
লক্ষেক ৰাজাৰ দেৱ।
পৰম গৰিষ্ঠ প্ৰজাক পালন্ত
তান সম নাহি কেৱ॥ ২৮১
