| পুৰু⸺
|
ক্ষান্ত দিয়াঁ ব্যাখ্যা ইতিহাস গ্ৰীচমণি!
- থকা হলে বুজিবৰ ক্ষমতা তোমাৰ
- আছিল পূৰ্ব্বৰ ভাৰত সি কি,
- নালাগিল হয় কেতিয়াও ভাৰতৰ
- এজনো সি জ্ঞানী বা সাধকে হেৰুৱাব
- প্ৰাণ জানা তোমাৰ হাতত! থ’ক বাৰু
- সেই কথা নকও, নুজাৰোঁ আজি মই।
- মাথো কওঁ ইমানকে বিদেশীৰ সেই
- আঘাততে৷ যদি ভাৰতে দিছিল কিবা
- জীৱনৰ পৰিচয় থাকি মাজে মাজে,
- নাই তাত তোমাসাৰ কৃতিত্ব অলপো।
- তোমাসাৰ গুণে লভা নাই হৃদয়ৰ
- মহত্ব ভাৰতে, লভা নাই বল-বীৰ্য্য
- সত্য বল, হেঁচাৰ উপৰি হেঁচা সেই
- আঘাততো তোমাসাৰ, প্ৰতিভাৰে মাথো
- আপোনাৰ পৰিছিল উফৰি স্ফুলিঙ্গ;
- বিতৰে সি আপোনাৰে বিমল সৌৰভ
- চন্দনৰ বৃক্ষ যেনে অস্ত্ৰ আঘাততো
- পুনঃ পুনঃ, বিতৰে সি নিৰ্ম্মল সুগন্ধ
- আপোনাৰে। ভাৰতৰ বুকুত নিতউ
- যদি বিদেশী হেঁচাৰ সেই জগদ্দল
- শিলে নধৰিলে হয় হেঁচি, কিবা ৰূপ
|
