এই পৃষ্ঠাটোৰ বৈধকৰণ হৈছে
‘সোদৰৰ ভাতৃ' বুলি আকোঁৱালি বুকু মেলি
পৰস্পৰে পৰস্পৰ
দিলে আলিঙ্গন!
[১৫]
অন্নই কৰিলে বহু আপোনাক, বহু হল
প্ৰজা, পল্লীৰ প্ৰতিষ্ঠা,
নগৰ নিৰ্ম্মিত;
ক্ৰমে ৰাজ্য সুগঠিত, চাওঁ তে চাও তে আহা
হল আহি ভাৰতৰ
সাম্ৰাজ্য স্থাপিত।
[১৬]
সেই এটি গত দিন হিন্দু জীৱনৰ সেই
সিন্ধু-গঙ্গা-কাবেৰীৰ
ত্ৰিবেনী-সঙ্গম,
উঠিছিল মথি য’ত অমৃতৰ মহাধ্বনি
মুগ্ধ কৰি চৰাচৰ
স্থাবৰ জঙ্গম।
[১৭]
হিন্দু জীৱনৰ সেই সেই এটি গত দিন
জগতৰ সভ্যতাৰ
প্ৰথম শিখৰ,
নৱ অৰুণৰ ৰাগে আহিছিল নামি বেগে
প্ৰথমতে ধৰালই
আলোক-নিৰ্ঝৰ।
(১৯)
