এই পৃষ্ঠাটোৰ বৈধকৰণ হৈছে
নিজৰি নিজৰি বোৱা
পৃথিবীৰ অন্তৰৰ
সুৰৰ লহৰী—।
কবি:—মৰ্ত্যই কৰাব পান
অমৰ্ত্যক বাৰু
কিবা সি অমৃত প্ৰভো!
কিবা সি সঙ্গীত,—
জৰা-মৃত্যু-ৰোগ-শোক-দুৰ্ভিক্ষে জৰ্জ্জৰিত
আজি ও যে সেই
তুমি এৰি থই
গুচি অহা পৃথিবী আমাৰ
আছে তেনেকৈয়ে;
কিবা আছে ৰস তাৰ
কিবা আছে প্ৰাণ?
আজিও তো হোৱা নাই
ধৰা হাঁয়
তোমাৰ কল্পিত সেই
তোমাৰ ইপ্সিত
শান্তি-প্ৰেমে মিলন
সুস্থ বসুন্ধৰা,—
বয় যত দেশে দেশে
ঘৰে ঘৰে
জাতিয়ে জাতিয়ে
(৮)
