এই পৃষ্ঠাটোৰ মুদ্ৰণ সংশোধন কৰা হৈছে
মৰ্ত্যৰ কৰি
আৰু
স্বৰ্গৰ গান্ধী
গান্ধী:— পৃথিবীৰ কবি তুমি
আহি স্বৰ্গলই
চৰালা সোণত সুৱগা আজি,
আনিছা কি বাৰ্ত্তা বাৰু
উঠিছে কি বাজি
হৃদয়ৰ তন্ত্ৰীত তোমাৰ
‘মৰ্ত্যৰ অমৃত ঢালিম স্বৰ্গক' বুলি?
ঢালা কবি পিওঁ প্ৰাণ ভৰি;
পিয়ক স্বৰ্গয়ো
ধাৰে বোৱা অমৃতৰ ধাৰ
ধৰাৰ হিয়াৰ
হাঁহি অশ্ৰু
মিলনৰ বিচ্ছেদৰ,
সুৰেৰে সুৰৰ পুৰী
পূৰ্ণ কৰি
ধৰাৰ কবিয়ে আজি
ঢালি যোৱাঁ অমৰাত
