এই পৃষ্ঠাটোৰ বৈধকৰণ হৈছে
৯২
তাৰকাসুৰৰ যুদ্ধ।
অল্প তপোবলে দেব সিংহাসনে
বসিবে কাৰ শকতি।
জানি পূৰ্ব্ব হন্তে সাবধান হুয়া
তপত কৰিলা মতি॥
বজ্ৰাঙ্গৰ তপ শুনিয়া ইন্দ্ৰৰ
মিলি গৈলা মহাভয়।
মোৰ ইন্দ্ৰপদ কাঢ়িয়া লৈবেক
কৰিবু কোন উপায়॥
মনে গুণি হেন অপেস্বৰাগণে
আদেশিলা সুৰপতি।
ৰতি ৰঙ্গ কৰি বজ্ৰাঙ্গৰ আগে
তপ ভাঙ্গা শীঘ্ৰগতি॥
ইন্দ্ৰৰ বচনে অপেস্বৰাগণে
চলি গৈলা তেতিক্ষণে।
বজ্ৰাঙ্গৰ তপ ভাঙ্গিবাক মনে
পাতিলা বহু যতনে॥
অনেক প্ৰকাৰে বজ্ৰাঙ্গৰ আগে
কৰে নানা ৰতি ৰঙ্গ।
তবু কন্যাগণে বজ্ৰাঙ্গৰ তপ
কৰিতে নপাৰে ভঙ্গ॥
⸻
পদ।
ত্ৰিভুবন মোহিনী সুন্দৰী বৰবালা।
বজ্ৰাঙ্গৰ আগত দৰ্শাৱে কেলিকলা॥
অনেক প্ৰকাৰে কন্যাগণে কৰে নৃত্য।
কেহু কেহু জনী গাৱে মনোহৰ গীত॥
