পৃষ্ঠা:তত্ত্ব-কথা (Tattva-Katha).pdf/১২৫

এই পৃষ্ঠাটোৰ বৈধকৰণ কৰা হৈছে


সিজয় ধৰ্ম্ম সকল॥

       আৰু সেই মহন্তৰ মুখৰপৰানো হৰিনাম নুগুচে কিয়? তাৰ কাৰণ, তেওঁ সমগ্ৰ শাস্ত্ৰ তন্নতন্নকৈ পঢ়ি তাৰ তত্ত্ব বিচাৰি পালেগৈ যে ঈশ্বৰলাভৰ একমাত্ৰ উপায় ঈশ্বৰৰ নাম শ্ৰৱণ-কীৰ্ত্তন; – তেহেলৈ যেয়ে যিহকে কওক। ভক্তি আচল পদাৰ্থ আৰু শ্ৰেষ্ঠ ভক্তি হৈছে নাম শ্ৰৱণ-কীৰ্ত্তন। সেইদেখি তেওঁ –

সমস্ত শাস্ত্ৰৰ        তত্ত্বক জানিয়া
নেৰয় নাম মুখত।
সিটো মহাজনে        অপ্ৰয়াসে তৰে
সংসাৰ ঘোৰ দুঃখত॥

       এই বাবে শঙ্কৰ-মাধৱ দুইজনা গুৰুৱে উপদেশ দিছে – “হৰি ৰাম হৰি ৰাম এ মূলমন্ত্ৰ। " (কীৰ্ত্তন)

ৰাম কৃষ্ণ ৰাম        কৃষ্ণ বোলা ভাই
ত্যজিয়া লাজ আলাস।
শাস্ত্ৰ আচাৰ্য্যৰ        উপাসা কৰিয়া
বাসনা কৰা বিনাশ॥ (ঘোষা)