এই পৃষ্ঠাটোৰ বৈধকৰণ হৈছে
গাঁও
প্ৰথমজাক বৰষুণত গোন্ধায় মাটি পোৱাঁতী ৰমণীৰ গা
কলহে ঢলা পানীত ভৰুণ লাওৰ হেন্দালি
ধূলিয়ৰি গো-বাট এৰি সজাল ৰোৱা ফালি ক’ৰ বতাহ ক’লৈ গ’লি
সুখত উকি দুখত উকি মোৰ মাজুলীৰ ৰেল নেদেখা গঞাৰ উকিয়ে
উৰুখা ছালতে মেঘক ডৰায় কলপাততে ৰ’দ খেদায়
কাণিমুনিতে উকিয়াই বাটৰুৱা——ভাত খালিনে খালিহঁতনে ভাত
মাটিত মজো আমি আমাত গাভৰু মাটি
নাঙলটোতকৈ এমুঠন ওখ হ’লেই পিতায়ে পালন কৰে হালখতি
কোৰৰ নাল দলিমুৰিয়াৰ নাল তলুৱাত ঢৌৱা ছিগা হাত
বিন্ধনাৰে আঁচোৰোঁ আহুধানৰ কুটুলা চুলি
ভাটৌ সেউজ গোছাত গুণ্গুণাই বিনৈ বছা নিৰতী
টকৌৰ জাপিত বৰষুণজাক নৈ ঘাটৰ চেলকণা মাছ
বোকা ফেনেকি-খচকি সপোনে সাৰে গাঁৱৰ বাট
গোবৰৰ গোন্ধ ফটাকঁথাৰ উম আৰু ফুটছাইৰে শুকুলা জুহালত
সৰিয়হ ফুটে শব্দৰ হাঁচতি
৪৬//তটিনী তীৰৰ খেলা