এই পৃষ্ঠাটোৰ বৈধকৰণ হৈছে
নাৱৰীয়া
নৈতে চুঁচৰি ঢৌ তুলি চাকৈ চকোৱাই নমায় বেলি
ভাটীয়ালি সুৰটো পিয়াপি দিয়ে কঁহুৱা ইকৰাৰ সুৰুঙাৰে
চুই চুই নিজান গাঁৱৰ আলি-পদূলি
কলিজাত কুৰুকি সুৰে যোগাৰ কৰে গানৰ সঁজুলি
ক্ষণিকলৈ স্তব্ধ ঢেঁকীৰ চাব
জুহালত জুৰ আখ্যান-আলাপ
ফেঁচাৰ কুৰুলিত নিজম নৈপৰীয়া গাঁৱৰ গধূলি
চঁচালিত পৰি চেনেহীয়ে থ’লে গালত হাত
সুৰে খোলে বুকুৰ কপাট
বতাহ-বৰষুণ আৰু বোৱঁতী জোনাকত
পানীৰ সেওঁতা ফালি উজায় মাছমৰীয়া নাৱৰ টিং
উজানৰ প্ৰথম মাছক মাছমৰীয়াই এৰি দিয়ে বাট
নৈপৰীয়া বিষাদত উজান দুদিনৰ হৰ্ষ
তটিনী তীৰৰ খেলা//৪১
