এই পৃষ্ঠাটোৰ বৈধকৰণ হৈছে
বাৰিষাৰ অভিশাপ
প্ৰিয় ঋতুৰ অপ্ৰিয় জাগলত বিষাদ-ৰাগ
নদীয়ালৰ চিনাকি ছন্দ-সুৰ বাজিলে বে-সুৰা হৈ
গৰ্জন চিৎকাৰ গাঁৱে গাঁৱে সোঁতৰ আঘাত
নৈয়ে চেলেকে দমৰা গৰুৰ পানী ওলোৱা বাট
উঁইহাফলুত শিয়ালে বিনাওতে
মাছবোৰে উলটি চালে
কলৰ ভূৰৰ কুকুৰটো
নাও চপ্চপীয়া ৰাউচিৰে
কলহ ওপঙিলে বাঁহনিডৰাত
যাদুকৰৰ হাতৰ লাওখোলা হৈ
সকলোবোৰ খোলা প্ৰৱেশ প্ৰস্থান
ভূৰখনতে উঠি আয়ে ধৰিলে নাম—
‘ইবাৰ কৰুণাময়...’
উৰি উৰি ঢৌৱায় ঢৌতে হেৰায়
শইচথলীৰ জিঞা
শইচ উটিছে মাছৰ টক্চালি
উঁই পৰুৱাৰ শোকসভা
তটিনী তীৰৰ খেলা// ১৫