এই পৃষ্ঠাটোৰ বৈধকৰণ হৈছে
শৰৎ
কিমান শুকালে নৈ বন্ধু হয়
বালিভাতৰ নিমন্ত্ৰণ
গজলীয়াই উঠে ঝাঁও
পাখিৰে সৰণ ঠেলি
শেষ ৰাতিৰ কোৰাচ শৰালিৰ জাক
মুখত নিয়ৰ লৈ বিৰহী তপস্বিনী
শৰতৰ এমুটি জোনাক
ফৰিং উৰা সন্ধ্যা
কুঁৱলিত ঢৌ খেলা চুলিত তোমাৰ
বাট হেৰুৱাই মোৰ মৌন হেঁপাহ
প্ৰেম বুলিলে নৈ আৰু নাৱৰীয়া
মাটি আৰু গছ
আকাশত অঘৰী ডাৱৰৰ অংগৰাগ
বুকুত মোৰ শৰতৰ ঘাঁহ
তাতে তোমাৰ লিহিৰি আঙুলি
নখত নিয়ন্ত্ৰৰ টোপ টোপ
শৰতত কোনে দিলে জুই
বুকুত কদো এবাহ
শৈশৱ ত্ৰস্ত
যৌৱন বিধ্বস্ত
নিয়ৰত
নিচুকনি গীত
৬০
