এই পৃষ্ঠাটোৰ বৈধকৰণ হৈছে
এখন নাট
অচিন মাটি অচিন ধাতুৰ
খোল আৰু তাল
অচিন গাঁৱৰ বাায়ন
বাঢ়ি আহিল আখৰা চোৱা ভিৰ
ভাও লোৱাৰ ভিৰ
আখৰাৰ ৰাতিবোৰত
ঘৰে ঘৰে নুমাল আখল
ভোজ খোৱাৰ ভিৰ
জলত দিয়া থলত দিয়া
প্ৰথম কলঠোকা গুৰুত দিয়া
পৰিচালকে যতনালে কচাইশাল
ছোঁ-ঘৰত নিতৌ ভোজ
লাহে লাহে উদং হাঁহ, ছাগলীৰ গঁৰাল
অভিনয়ৰ ৰাতি সূত্ৰধাৰৰ হাতত জৰী
আমাৰ ডিঙিত খোৰোচা
যুদ্ধৰ বাজনাত হাতে হাতে খোলা তৰোৱাল
মই কাটিলো পিতাইৰ কঁকাল
নাতিয়ে কাটিলে হাত
ইজনে আনজনৰ বুকুত অস্ত্ৰাঘাত
ৰংগশাল বলিশাল হ’ল
তেজত ধুলে সূত্ৰধাৰে হাত
হামিয়াই ক’লে
এই খনহে আচল নাট
৪১
