এই পৃষ্ঠাটোৰ বৈধকৰণ হৈছে
( ৭ )
“লাজৰ বিষয় ইটো, হে নিৰ্ব্বোধ ডেকা!
“শোক দুখ এৰি দিয়াঁ তুমি হৃদয়ৰ!
“অদ্যাৱধি কৰাঁ ঘৃণা তিৰুতা জাতিক,
“বিষম সৌৰভ সেই মোহিনী ফুলৰ॥”
( ৮ )
এই বুলি যোগীটিয়ে ৰ’ল মনে মনে,
লাজত মু-খনী কিন্তু আৰক্তিম হই
এৰি-অহা মৰমৰ অতিথীৰ আগে
ধীৰে ধীৰে অন্তৰৰ দিলে ভাব কই॥
( ৯ )
বিস্ময় চকুৰে চাই, দেখিলে যোগীয়ে,
আকাশ-মাজত যেনে পুঁৱা সময়ত
বিবিধ বৰণ জ্বলে, জ্বলিলে সিৰূপে
বহু শোভা, নানা সাজে চকুৰ আগত॥
( ১০ )
লাজুকী মু-খনি আৰু ওখ বুকু খনি
যোগীটিৰ অন্তৰত সুমুৱালে ভয়,
সুন্দৰী বিদেশী যাত্ৰী পাছে ধীৰে ধীৰে
গাভৰু ছোৱালী বুলি দিলে পৰিচয়॥
