এই পৃষ্ঠাটোৰ বৈধকৰণ হৈছে
অঙ্গিলা
৩
( ৬ )
“বনৰ মাজত চৰে হৰিণাৰ পাল,
“সিহঁতৰ প্ৰাণ মই পালেও নহৰোঁ,
“যি কৰে কৰুণা মোক, সেই ঈশ্বৰৰ
“শিকনিত, সিহঁতক সদা স্নেহ কৰোঁ॥
( ৭ )
“অৰণ্যৰ শাকপাত, গছগছনিৰ
“সামান্য আহাৰ মই নিতে আনি খাওঁ।
“ফলমূল আদি কৰি, ঝাৰণাৰ পানী
“কুটীৰত থওঁ আনি।যত্ যি যি পাওঁ॥
( ৮ )
“অতএব, হেৰা যাত্ৰি! ওলটা, ওলটা,
“চিন্তা এৰা, বৰ বেয়া চিন্তা সংসাৰৰ;
“জগতত মানুহৰ অলপ অভাৱ
“সি অভাবো, জানা, যাত্ৰি! মাথোঁ খন্তেকৰ॥”
( ৯ )
“পৰে যেনে পৃথিবীত ধীৰেৰে নিয়ঁৰ,
“তেনেকই যোগীটিৰ কথা শেষ হ’ল:
“তললই কৰি মুখ যাত্ৰিয়ে লাজত
“যোগীটিৰ পাছে পাছে কুটীৰত গ’ল।
