এই পৃষ্ঠাটোৰ বৈধকৰণ হৈছে
১২১
বিহুৱতী
হাত মেলি হাঁচটি ব’লা, ঐ শিপিনী,
ভৰি মেলি হাঁচটি বলা।
ৰাইজক এখনি হাঁচটি নিদিলা,
কালৈ সামৰি থ’লা॥ ৫৪৫।
শিয়ালে কৰিবৰ ‘হোৱা’, ঐ শিপিনী,
শিয়ালে কৰিবৰ ‘হোৱা’।
তোমাৰ যই পেৰাতে চেলেং নাইকিয়া,
আমাৰ পৰাই এখনি লোৱাঁ॥ ৬৪৬।
কেলৈ সাঁচিলা জপাৰ বৰকাপোৰ,
কেলৈ সাঁচিলা ধন।
জপাৰ বৰকাপোৰ জপাতে পচিব,
ধনতো গজিব বন॥ ৬৪৭৷
বৰ আইৰ বৰ ৰং হ’ল, সমনীয়া,
বৰ আইৰ বৰ ৰং হল।
আঁচুৱলী ৰিহাখনা কানতে পেলাই লৈ
চিকা ৰূপ বিচাৰি গল॥ ৬8৮৷
আমাৰ শিপিনী চুটিকৈ চাপৰে,
নাপায় চাঙৰ পেৰা ঢুকি।
যেনে তেনে কৰি জপাৰ মূৰ মেলিছে,
তামুলী পিৰাতে উঠি॥ ৬৪৯।