এই পৃষ্ঠাটোৰ বৈধকৰণ হৈছে
৫০
জ্ঞান-মালিনী
৫০
ইয়াৰে মাজৰ তয়ো তো মফিজ!
সামান্য এটিহে জীৱ;
তেনতে নিজক ডাঙৰ বিবেচি
ফিতাহি মাৰ নো কিয়?
৫১
কথাই পতি যে নিজৰ বখান,—
কথাই পতি যে 'মই';
ৰিজাই চালেহে বুজিব পাৰিবি,
কিমান কণি নো তই!
৫২
গোটেই বিশ্বৰ প্ৰাণীৰে সইতে
তুলনা কৰিলে তোক,
ইমান, একণি দেখাই, যেনেহে
এ-টি সামান্য পোক!
৫৩
সমুদ্ৰ-মাজত। পোনাটি যেনেহে—
পৃথিবী-মাজত লেখি,
গোটেই বিশ্বৰ প্ৰাণীৰে মাজত,
তোকও তেনেহে দেখি।
৫৪
সৌৱা চা! হেজাৰৰ বালিৰ চাপৰি,
অলেখ বালিৰে ভৰি,
আছে যে সাগৰ, সমুদ্ৰ-পাৰত
ইপিনে সিপিনে পৰি;
