এই পৃষ্ঠাটোৰ বৈধকৰণ হৈছে
⸺কৱিতা⸻
“কবি ঋষি। তেওঁ সত্যক ঋত কৰি দেখুৱায়। সকলোৰে
ভিতৰত কি গভীৰ চিৰন্তন সত্য আছে, অনিৰ্ব্বচনীয় সৌন্দৰ্য্য
আছে, সেইটা প্ৰকাশ কৰে কবিয়ে। কবি-প্ৰতিভাৰ ঘাই কথা
মৌলিকতা। প্ৰকৃত কবি গতানুগতিকগামী নহয়। সাধাৰণ সোঁতত
তেওঁ উটি নাযায়। বুদ্ধি-কৌশল আৰু “কাৰিকৰি”ৰ তেওঁ অপেক্ষা
নাৰাখে। তেওঁৰ উৎস অন্তৰত্মাই সহজে অভিনৱতাৰ সৃষ্টি কৰে।
তেওঁৰ অন্তৰৰ ভুমূকৰ পৰা একো একোটি মূল idea উঠে; তাকে
তেওঁ সাকাৰ কৰি জগতৰ আগত ধৰে। কবি-প্ৰতিভাৰ ভিতৰত
ঐশ্বৰিক শক্তিৰেই খেলা। তেওঁৰ এই শক্তি কষ্টসাধ্য নহয়,
অনায়াসলব্ধ ঈশ্বৰ প্ৰসাদত তেওঁ নিত্য-সিদ্ধ। সেই দেখি কয়, "A
poet is born and not made" অৰ্থাৎ মেহনত্’’ কৰি কোনো কবি হ’ব নোৱাৰে, কবিৰ জন্ম হয়।”
—লক্ষ্মীনাথ বেজবৰুৱা,
( ৭ম অধিবেশন, ১৯২৪ চন )
