এই পৃষ্ঠাটোৰ বৈধকৰণ হৈছে
অনুবাদ কৱিতা:
মেঘ
ছন্দ— ওৱাইকা
[১]
—সম্ৰাট হিৰ’হিত,
এটুকুৰা বগা মেঘ
যেন এডাল চীনদেশৰ উত্তৰি
কণ্ঠচ্যুত হৈ আকাশৰ সতে মিলন,
চক্ৰাকাৰে ঘূৰি ফুৰে
ফুৰে ঘূৰি ‘নাচু’ শৃঙ্গোপৰি
উপত্যকা পাৰ হৈ— হয় বিলীন।
[২]
—সাম্ৰাজ্ঞী নাগাকো।
আৱৰ্ত্তনত বিৱৰ্ত্তনত
সলনি হ'বলৈ ধৰে তাৰ পিছলৈ
অৱশেষত সিও হয় এক আকাৰ,—
শুভ্ৰ অভ্ৰ উৰি যায়
যায় উৰি দূৰ দূৰণিলৈ
বহুত দুৰলৈ–হৈ এই নীলাকাশ পাৰ।
[৩]
-যুৱৰাজ একিহিত,
গৈ থাকে মেঘ
বগা বগা মেৰ খুলি
যেন এক সুতাৰ বাণ্ডিল,—
বতাহত বাঢ়ে বেগ
মুক্তাকাশত আলিম্পন আঁকি,
পদাঙ্কৰে ৰচিছে মিছিল।
⸺
