এই পৃষ্ঠাটোৰ বৈধকৰণ হৈছে
জুৰণি।
৭১৬(ট)
ৰবীন্দ্ৰ কবীন্দ্ৰ আজি অমৰ সভাত,
'বাল্মীকি প্ৰতিভা' প্ৰভা প্ৰকাশি ধৰাত;
কালিদাস-পূজাভাগ সম্ভোগি জীৱন্তে
পুষ্প-অৰ্ঘ্য পৃথিবীৰ লভি অযাচিতে।
সাদৰৰ 'ৰবি বাবু’—ভাৰতবিদিত—
প্ৰতিভা প্ৰভাৰ গুণে পৃথিবী পূজিত;
‘সুমেৰু কুমেৰু' চুঁচি—'কণক আঁচল’—
‘স্তন’-ৰত্ন তাহানিয়ে কৰিলাঁ দখল।
থলাঁ কিবা, ৰল কিবা, কিবা বাকী আৰু?
কিহেৰে আদৰি তৱ যোগ্য মান ধৰোঁ!
অকণি ‘কণিকা আৰু 'ক্ষণিকা' ঠগত,
তোমাৰে চানেকি চাই ৰচা নিলগত,
‘জুৰণি’ আঁজলি ধৰি আছোঁ পাতি হিয়া,
লোৱাঁহি আসন ৰবি!—জীৱন-সন্ধিয়া;—
লাখ টকা ‘নবেলৰ’ বঁটা পূৰণত,
কড়া-ক্ৰান্তি যোগ মাথোঁ এই ওলগত!
