এই পৃষ্ঠাটোৰ বৈধকৰণ হৈছে
( ৫৩ )
১০
পিতা মাতা দুয়ো শত্ৰু বুলি নিন্দা পায়,
নিজৰ লৰাক বিদ্যা যদি নিশিকায়;
নোশোভে নিৰ্গুণী পুত্ৰ গুণী-সমাজত,
যেনুৱা অশোভা বক হাঁহৰ মাজত।
১১
প্ৰিয়তম বস্তু যেনে জীৱন নিজৰ,
জানিবা জীৱন তেনে সকলো জীৱৰ;
সকলো জীৱক ভাবি নিজৰ নিচিনা,
সকলোৰে প্ৰতি সদা কৰিবা কৰুণা।
১২
এলাহ পৰম শত্ৰু জানিবা দেহৰ,
যাৰ পৰা সৰ্ব্বনাশ হয় মানুহৰ;
উদ্যমৰ দৰে বন্ধু নাই জগতত,
কেওঁ কতো অৱসন্ন নহয় যিহত।
১৩
ঋণশেষ, অগ্নিশেষ আৰু ব্যাধিশেষ,
কৰিৱা ইতিনি শেষ নাৰাখিবা লেশ;
ৰাখা যদি লেশমাত্ৰ বাকী ইসৱৰ,
ক্ৰমে ক্ৰমে বাঢ়ি যাব জানিবা ঠাৱৰ।
