এই পৃষ্ঠাটোৰ বৈধকৰণ হৈছে
( ৪৫ )
ভাৱনা-সবাহ, গীত ভালপোৱা,
মধুৰ মুৰুলী তান,
দহোটাৰ কাম একো জনে কৰা,
চহাৰ সৰল প্ৰাণ।
⸻
চহা আৰু পণ্ডিত।
(ইংৰাজ কবি Gray-ৰ The Shepherd and the Phi-
losopher নামে ইংৰাজী কবিতাৰ ছাঁ লৈ লিখা হৈছে। )
ভালেখিনি নিলগত নগৰৰ পৰা,
আছিল এজন চহা জুৰমন বৰা;
ৰূপ যেন চুলি তাৰ বুঢ়া বয়সত,
জানিছিল বহু জ্ঞান সংসাৰ—ঠেকত;
বাৰিষাৰ বৰষুণ কাতি কৰি থই,
পুৱাতে ওলাই যায় হাল-কোৰ লই;
বোকা-পানী, জাৰ-জহ, মেঘৰ গাজনি,
হৰষিত কৰে খেতি একোকে নামানি;
মনত সন্তোষ সদা, নাজানে খিয়াল,
নাজানিলে দুৰাকাঙ্ক্ষা সকলোৰে ভাল;
সকলোৰে উপকাৰী গাৱঁৰ মাজত,
সজ নাম চুবুৰীয়া লোকৰ মুখত।
