এই পৃষ্ঠাটোৰ বৈধকৰণ হৈছে
১৭৬
[৪০ অ
শ্ৰীশ্ৰীশঙ্কৰদেৱ-মাধৱদেৱ চৰিত
গুপুত কৰিয়া ধৰ্ম্ম কৰ্ম্মক।
পাষণ্ড কৰিলে সবে লোকক॥৪॥
নষ্ট কৰিলেক সবে জগত।
বুলিল কতো আনো নানা মত॥
ততেক আৰো আত নুতুলিলো।
বিস্তৰ পদ ভয়ে সংহৰিলো॥৫॥
-শঙ্কৰদেৱৰ প্ৰত্যুত্তৰ-
শঙ্কৰদেৱত কহে ভকতে।
ব্ৰাহ্মণে কৰিলে কবিতা যতে॥
শুনিয়া শঙ্কৰদেৱে ক্ৰোধিল।
ব্ৰাহ্মণ সবৰো কবিতা কৰিল॥৬॥
নানান শাস্ত্ৰৰো তত্ব উদ্ধাৰি।
বিবাদ খণ্ডিবে যেবে নপাৰি॥
ব্ৰাহ্মণ সব ছুইবে যোগ্য নয়।
দেখাইলা কৰিয়া কবিতা চয়॥৭॥
—মাধৱদেৱৰ স্থিৰবুদ্ধি-
পাছত মাধৱদেৱে দেখিলা।
শঙ্কৰদেৱক নমি বুলিলা॥
ব্ৰাহ্মণে বোলোক ষি লাগয়৷
আমাৰ বুলিবে যোগ্য নোহয়॥
আপুনি তোমৰা জানিয়া সবে।
কিসক বিস্মৰণ ভৈলা এবে॥
