এই পৃষ্ঠাটোৰ বৈধকৰণ হৈছে
৩৫ অ]
১৫৩
শ্ৰীশ্ৰীশঙ্কৰদেৱ-মাধৱদেৱ চৰিত।
চিত্ত মাধৱৰ বুজিয়া শঙ্কৰ
বোলা যাওঁ বৃন্দাবন।
শুনি ৰামৰায় মাধৱক চাই
বুলিলা পাছে বচন॥২৫॥
দদাৰ বচন মাধৱ এখন
কিসক বাধিয় তুমি।
বৃন্দাবন থান। দেখি বিদ্যমান
আসিয়োক যাওঁ আমি॥২৬॥
—বৃন্দাবন গমন স্থগিত—
মাধৱে বোলন্ত ভাল বুলিলাহা
বৃন্দাবন থানে যাইবো।
শঙ্কৰৰ বাক্যে সংশয় নুগুছে
আনত প্ৰত্যয় লৈবো॥২৭॥
মাধৱৰ বাণী ৰামৰায় শুনি
নপাইলে খুজি উত্তৰ।
ন যাই বৃন্দাবনে গৃহ যাইবে মনে
চলিলা ফিৰি শঙ্কৰ॥২৮॥
একদিন এক নগৰে ৰহিলা
গৃহস্থে নেদয় ঠাই।
কিছু দিয়ো আঙ্ক তেবে দিবে থান
শঙ্কৰে দিলা উপায়॥২৯॥
পাছে কিছু পাই দিলা সিটো ঠাই
তাতে বহিলন্ত গৈয়া।
গৃহস্থৰ ঘৰে আৰো জনা চাৰি
আগে আছা তাৰা ৰৈয়া॥৩০॥