এই পৃষ্ঠাটোৰ বৈধকৰণ হৈছে
৩১
বন্ধনৰ চৰাই।
হায় বিধি কোন দিনে
হাত সাৰো শতুৰুৰ।
এই মাত্ৰ সদা ভাৱা
শয়ন খাৱন পৰ॥
ব্যাধৰ হাতত পৰি
ডাল সঁজাত বন্ধি হৈ।
থকা দিন ধৰি তৱ
কত নথই বিলাই॥
খীণাই শুকাই তুমি
হাৰ ছাল হলা লগা।
তেজ মাংস নাই আৰু
শিকলি বন্ধন ত্যাগা॥
উৰি যোৱ কোনোটীৰ
শুনা মাত দিছীয়নী।
ঢুল ঢুলীয়া চকুকৈ
একটীয়া মনে গুণি॥
চকুৰ পানীৰে ভৰা
মনো দুখে মাত মৰা।
কাঠ চিতিয়াক কেওঁ
নোৱাৰে গলাব হেৰা॥
ডালতে মৰিবা তুমি
তথাপি তোমাক এৰি।
নিদিয়ে শিকলি খুলি
মুকলী মুৰীয়া কৰি॥
