এই পৃষ্ঠাটোৰ বৈধকৰণ হৈছে
৪৭
চিন্তা-তৰঙ্গ।
পাতিছোঁ হাতটি আই দয়া কৰা,
এটি সুন্দৰ ফুল মােক দিয়া,
বুজিলোঁ বুজিলোঁ মিছাতে খুজিলোঁ
পাতিছা আজিহে বাসন্তীৰ বিয়া।
বকুল বন্দুলী উলহ মাদলী,
আনন্দ হাঁহিৰে সজাইছে ধৰা,
জাতি জুতি সখি হাঁহে খলখলি
ফুলিছে তগৰ গগনৰ তৰা।
তগৰ তলতে ফুলিছে নিলাজী
লুকাই ওৰণী ধৰিছে লাজৰ,
ইবেলা বতাহে পকা পাত এটি
পেলাই পৰশি লগালে জগৰ,
গল জঁই পৰি লাজত তললৈ
নুমাল হাঁহিটি ৰঙ্গুৱা মুখৰ,
ভাল লাজকুৰী বােৱাৰী জনীক
পাত ঔ তগৰ লগালি জগৰ।
উঠাহে আইটী কৰিছোঁ কাকুতি,
এবেলি চকুটি মেলিহে চোৱাঁ,
তুলিছে বতাহে ই বুলি হাতেৰে,
উঠা আইদেও বাসন্তীৰ বিয়া,
