এই পৃষ্ঠাটোৰ বৈধকৰণ হৈছে
নিজৰা
‘কুলু কুলু কুলু' বইছে নিজৰা,
কবি গীত গালে কুলু সুৰ ধৰা,
কুলুধ্বনি শুনি প্ৰাণ চমকিল
কবিৰ ঝঙ্কাৰে বিশ্ব শিহৰিল।
সি সুৰত মুগ্ধ কুলী সুৱগীয়ে
গালে গীত ‘কু-উ’ পঞ্চম সুৰত,
লাহতী কেতেকী কাছি পাৰি আহি
নাচিব ধৰিলে গছৰ ডালত।
বনৰ হৰিণী থিয় হৈ ৰল
নীৰৱে শুনিলে ‘কুলু কুলু গান,
তটিনীৰ সুৰে অন্তৰ কঁপালে
জিলীয়ে ধৰিলে মোহন তান।
তাৰ প্ৰতিধ্বনি আকাশ ভেদিলে
মেনকা ৰাজ্যত মলয়া বলে,