এই পৃষ্ঠাটোৰ বৈধকৰণ হৈছে
৭৪
চন্দ্ৰাৱলী
পুষ্কৰ। নেলাগে দুপৰ কথা মনত পেলাব;
আহাঁ যাওঁ, পামগৈ তোমাৰ কুটিৰ।
চন্দ্ৰাৱলী। ৰৈ আছে ভনিটিও
আমল’কে বাট চাই—ব’লা যাওঁ,
যাবানে লগত পুৰন্দৰ?
পুৰন্দৰ। নেযাওঁ লগত; যাম মই আন পিনে,
কেনি যাবা যোৱা তোমালোক।
সকলোৰে প্ৰস্থান।
⸻⸻
দ্বিতীয় গৰ্ভাঙ্ক।
⸻০⸻
হাবিৰ দাঁতি।
কিৰাত-বালকসকলৰ প্ৰবেশ।
(গীত)
ইমন্-ভুপালী—খেমতা।
বলা যাওঁ গধুলি হ'ল
যাওঁ ৰঙ্গেৰে ঘৰৰ পিনে।
আকাশে প্ৰেম ঢালিছে
মাৰিছে নিতাল জগৎ খনে।
