এই পৃষ্ঠাটোৰ বৈধকৰণ হৈছে
৭৩
চন্দ্ৰাৱলী
পুষ্কৰ। হৃদয়ৰ প্ৰবল আবেগ
শান্ত হয় তোমাক পালেহি;
ভাল লাগে তোমাৰ লগত,
কিন্তু হ’লে তুমি মোৰ একোকে নোহোৱা।
চন্দ্ৰাৱলী। একোকে নহওঁ যদি
কিয় তুমি ভাল পোৱা
আহি মোৰ ওচৰ পালেহি?
অৱশ্যে দুইৰো আছে
কিবা এটি নজনা সম্বন্ধ।
পুৰন্দৰ। চন্দ্ৰাৱলী বুলি তুমি
যাৰ কথা কৈছা সদায়
সেই চন্দ্ৰাৱলীনো তোমাৰ
যথাৰ্থতে হয়নে স্নেহৰ?
পুষ্কৰ। ক'ব পাৰোঁ দৃঢ় কৰি
বিৰাজিছে চন্দ্ৰাৱলী মোৰ হৃদয়ত।
চন্দ্ৰাৱলী মোৰ হৃদয়ৰ ধন,
চন্দ্ৰাৱলী সুখৰ সপোন,
সুবাহুক দেখিলে মনত পৰে
চন্দ্ৰাৱলী প্ৰতিকৃতি কল্পনা চকুত।
চন্দ্ৰাৱলী। এনেকুৱা কথা শুনি বেয়া লাগে মোৰ
যায় মন দুখ কৰিবৰে মোৰা
তোমাৰ দুখতে।
