এই পৃষ্ঠাটোৰ বৈধকৰণ হৈছে
চতুৰ্থ অঙ্ক।
⸻⸻
প্ৰথম গৰ্ভাঙ্ক।
⸻০⸻
অৰণ্য।
চন্দ্ৰাৱলী আৰু পুৰন্দৰৰ প্ৰবেশ।
চন্দ্ৰাৱলী। কোৱাচোন পুৰন্দৰ,
লোকে কয়,—তুমি হেনো
সদায বেজাৰ কৰি থাকা
কাক বোলে আনন্দ নেজানা?
পুৰন্দৰ। সঁচা কথা, আনন্দ নেলাগে মোৰ ভাল
বেজাৰত থাকিলে সদায়
সংসাৰৰ দুখ শোক
নোৱাৰে পৰিব আহি মোৰ অন্তৰত।
ভ্ৰমিলো বহুত দেশ
মানুহৰ বহু ব্যৱহাৰ
দেখিছোঁ চকুৰে,
ক’তো মই আনন্দৰ
একোকে কাৰণ নেদেখিলো।
