এই পৃষ্ঠাটোৰ বৈধকৰণ হৈছে
চন্দ্ৰাৱলী।
——:০:——
প্ৰথম অঙ্ক।
——:০:——
প্ৰথম গৰ্ভাঙ্ক।
জনাৰ্দ্দনৰ আগ-চোতাল।
পুষ্কৰ আৰু সুৰথীৰ প্ৰবেশ।
পুষ্কৰ।— শুনিছোঁ সুৰথী, শুনিছোঁ তোমাৰ মুখে,—
মৰণ কালত পিতৃদেবে মোৰ
জনাৰ্দ্দন প্ৰথম পুত্ৰক
গৈছিলে আদেশ প্ৰদানি :—
‘তিনিও পুত্ৰই মোৰ সমান ভাগেৰে
সম্ভোগ কৰিবা ধন বিত,
কাকো বঞ্চি নেখাবা কোনেও।’
আছিলাঁ কোমল মই
দামোদৰো নিচেই কেচুৱা;
জ্যেষ্ঠ ভাই পিতৃ তুল্য বেদৰ বচন
জনাৰ্দ্দন পূজনীয় মোৰ;
কৰিলে বঞ্চনা মোক, সেই জ্যেষ্ঠ ভায়ে
