এই পৃষ্ঠাটোৰ বৈধকৰণ হৈছে
তৃতীয় অঙ্ক।
⸻:০:⸻
প্ৰথম গৰ্ভাঙ্ক।
⸻০⸻
ৰাজ-প্ৰাসাদ।
বিশ্বপাল আৰু জনাৰ্দ্দনৰ প্ৰবেশ।
বিশ্বপাল। নাই দেখা তেতিয়াৰে পৰা?
অসম্ভব—মিছা কথা!
স্বভাৱতে মই দয়ালু নোহাৱা হলে
আগত থাকোতে তই
নিবিচাৰোঁ পলোৱা মানুহ;
সাৰিলো হেতেন
কাৰবাৰ হোৰ আজি কাৰবাৰ গাত!
জানিবি—আজিৰ পৰা
সাদিনৰ ভিতৰত,
নুলিয়ালে তোৰ ভায়েৰক,
হেৰুৱাবি সকলো সম্পত্তি তোৰ;
য’তে আছে ত’ৰে পৰা আনিবি বিচাৰি,
তাকে যদি নোৱাৰ কৰিব
থাকিবৰ ঠাই তই নেপাবি দেশত।
