এই পৃষ্ঠাটোৰ বৈধকৰণ হৈছে
৪৯
চন্দ্ৰাবলী।
নাই ক'তো ঠাই সভ্যতাৰ;
যদি দেখিছা সুখৰ দিন
শুনিছা কোমল কথা,
সভ্যতাৰে মাৰ্জ্জিত দেশত
যদি ধৰ্ম্মৰ ভাবেৰে
দেখিছা হোমৰ ধোৱাঁ,—
পাইছা ধূপৰ গোন্ধ,
বুজিব পাৰিবা তেন্তে দুখ বোলে কাক।
হাতেৰে নোৱাৰা কামো
কথাৰে পাৰিম মই সাধন কৰিব,
সেইবাবে তৰোৱাল সামৰিলো মই।
ধৰ্ম্মপাল। বুজিছোঁ বিপদ বোলে কাক;
থাকি থাকি বিপদতে
বিপদেই ভাল লগা হইছে আমাৰো।
অতিথিক, ক্ষুধাৰ্ত্তজনক
অভ্যৰ্থনা কৰা ফল কেনে
তাকো আমি জানো।
ক্ষুদ্ৰ ফল মূল উপহাৰ
খোৱা বহি আমাৰ লগতে।
পুষ্কৰ। আহিছিলোঁ, বিচাৰি নিবৰ বাবে টোপ
পোৱালীক থৈ নিলগতে-
আছে বুঢ়া এটি, মোৰ মৰমত
সুখৰ সংসাৰ এৰি বনবাসী হৈ
