এই পৃষ্ঠাটোৰ বৈধকৰণ হৈছে
৪৩
চন্দ্ৰাৱলী।
চন্দ্ৰাৱলী। পাৰা যদি তুমিয়েই কিনি লোৱাচোন;
দিম আমি ধন-বিত যিমান লাগিব।
হেমাঞ্জলী। মেহনত কৰা বাবে ল’বা তুমি
যিহকে বিচাৰা; আমিও থাকিম তাতে,
ঠাই খনি লাগিছে আমাৰ বৰ ভাল।
জয়। পালে এনেকুৱা অনু গ্ৰহ
প্ৰভু ভক্ত ৰূপে
সেৱিম আপোনাসকলক;
যাওঁ আমি,আহক এতিয়া।
সকলোৰে প্ৰস্থান।
⸻⸻
চতুৰ্থ গৰ্ভাঙ্ক।
⸻০⸻
হাবিৰ বাট।
সুৰথী আৰু পুষ্কৰৰ প্ৰবেশ।
সুৰথী। নোৱাৰোঁ নোৱাৰোঁ যাব আৰু
পৰিলোঁ বাটতে।
অনাহাৰ,-ভোকত ইয়াতে আজি
প্ৰাণো হেৰুৱালো।
